JIMBO
Kuhusu majimbo
Ili kuleta ufanisi katika utekelezaji wa maono, malengo na majukumu mengine ya kanisa kama yalivyoainishwa, TAG itagawanywa kijiografia katika majimbo. Majimbo yatakuwepo ya aina mbili: majimbo kamili na majimbo yanayoendelea.
Malengo ya Mgawanyo wa Majimbo
Sababu za kugawa Majimbo ni:
- Kuboresha utoaji wa huduma kwa makanisa,wachungaji na idara.
- Kusogeza huduma za jimbo karibu na makanisa na wachungaji.
- Kuendeleza na kupanua kazi ya Mungu.
- Kuongeza na kuchochea kasi ya maendeleo ya kazi ya Mungu.
- Kuwezesha utawala na usimamizi wa kanisa ulio na tija.
- Kupunguza gharama za uendeshaji.
Vigezo vya Kugawa Jimbo Kamili
Vigezo vya kugawa Jimbo kamili ni kama ifuatavyo:
- Jimbo jipya linalotaka kuanzishwa linapaswa kuwa na makanisa yasiopungua mia na ishirini (120).
- Jimbo jipya linalotaka kuanzishwa linapaswa pia kuwa na watumishi Wasimikwa wasiopungua arobaini (40) ambao wamethibitika kuwa na uwezo wa kuongoza.
- Jimbo hilo kijiografia linapaswa kuwa na uhitaji wa huduma ya kijimbo.
Vigezo vya Kugawa Jimbo Linaloendelea
Vigezo vya kugawa Jimbo linaloendelea ni kama ifuatavyo:
- Jimbo jipya linalotaka kuanzishwa linapaswa kuwa na makanisa yasiopungua sitini (60).
- Jimbo jipya linaloendelea linapaswa pia kuwa na watumishi Wasimikwa wasiopungua ishirini na tano (25) ambao wamethibitika kuwa na uwezo wa kuongoza.
- Jimbo hilo kijiografia linapaswa kuwa na uhitaji wa huduma ya kijimbo.
Kwa maelezo zaidi Nunua katiba yetu sasa, Ili kununua
